Category: ຂ່າວ ຫ້ອງວ່າການເມືອງຮຸນ

ຫ້ອງວ່າການແຂວງ ມອບອຸປະກອນໃຫ້ເມືອງຮຸນ ແລະ ເມືອງແບງ ລວມມີ: ຄອມພີວເຕີ ເມືອງລະ 1ຊຸດ, ພິນເຕີເມືອງລະ 1ໜ່ວຍ ແລະລົດຖີບເມືອງລະ 3ຄັນ

ໃນລະຫວ່າງວັນທີ 22 ຫາ 30 ພະຈິກ 2023 ນີ້ ຄະນະທີມງານໄອທີຫ້ອງວ່າການແຂວງອຸດົມໄຊ ລົງມອບອຸປະກອນກອງປະຊຸມທາງໄກ ໃຫ້ບັນດາເມືອງ 7 ເມືອງ ຂອງແຂວງອຸດົມໄຊ ສຳເລັດ ໂດຍມີ:ເມືອງໄຊ, ເມືອງແບງ, ເມືອງຮຸນ,ເມືອງປາກແບງ, ເມືອງຫຼາ, ເມືອງນາໝໍ້ ແລະ ເມືອງງາ ມອບໃຫ້ບັນດາເມືອງເປັນຜູ້ຄຸ້ມຄອງນຳໃຊ້ເຂົ້າໃນການຈັດຕັ້ງປະຕິບັດວຽກງານຂອງເມືອງເພື່ອຕອບສະໜອງວຽກງານຂອງພາກລັດ ແລະ ຫັນເປັນທັນສະໄໝໃນຕໍ່ໜ້າ, ອຸປະກອນດັ່ງກ່າວແມ່ນໄດ້ຕິດຕັ້ງໄວ້ຢູ່ທີ່ຫ້ອງປະຊຸມຂອງຫ້ອງວ່າການເມືອງຂອງແຕ່ລະເມືອງ ພາຍຫຼັງດຳເນີນພິທີມອບ-ຮັບແລ້ວ ທີມງານໄອທີຂອງຫ້ອງວ່າການແຂວງ ຍັງໄດ້ ປະກອບຕິດຕັ້ງ ແລະ ຝຶກອົບຮົມການນຳໃຊ້ອຸປະກອນໃນການປະຊຸມທາງໄກໃຫ້ພະນັກງານເຕັກນິກທີ່ຮັບຜິດຊອບ